Ёддан чикган интервью.    

Февраль ойида  Адиз билан бир фильм юзасидан сухбат уюштиргандим, ва фурсатдан фойдаланиб сайт учун хам алохида сухбат килгандим.

Баъзи сабабларга кура фильм хакидаги сухбат чикарилмайдиган булди ва бу сухбат хам ёддан чикиб колибди.

Бугун компьютеримда бир нимани кидириб   «Adiz» деб номланган «папка»га кузим тушди-ю эсимга тушди.

Ёддан кутарилган сухбатни кеч булса хам эътиборингизга хавола киламан.

Суперкелинчаклик суперичкуёв Адиз Ражабов:

«Жиддий жавоб, мана окажон: Гонорардан кечаман!»

Адиз шоу-бизнесда бирдан кашф этилиб, бирдан машхур булган актерлар сирасига кирмайди. Аста секинлик билан эпизодлар, ва  хусусан клиплардан танилди. Хозирги кундаги машхурлиги эса «Суперкелинчак» фильмидан сунг ёркинрок булди десам муболага булмас.

Шахсан мен уни Юлдуз Усмонованинг клипидан сунг таниб колганман.

Ражабов Адиз Нарзуллаевич,  6 январь 1984 йил Бухоро шахрида тугилган,

Миллати-тожик,

Оилада 4 фарзанднинг  (3-угил ва 1 киз) 2-чиси,

Тошкентга 1999 йил келган, ва бир неча йил ижара хонадонларда яшаган, хозирда уз хонадони бор. Руйхатдан утиш эса хозирча бирмунча кийин масала.

Оиласида умуман санъаткорлар йук, шунинг учун Адизнинг кизикиши туфайли танлаган бу йули оила аъзолари  учун галатирок туюлган, кейинчалик эса куникиб кетишган.

Маълумоти-тугалланмаган олий-Санъат университетининг драматик театр ва  кино актерлиги булимини бакалавр боскичини тугатган.

Устози Театр ва рассомлик институти профессори Арсен Исмоилов.

Романтик. 

Уйланмаган.

Энг яхши курган нарсаси уйда ётиб яхши фильм томоша килиш.

«Калбим угриси» фильми хакида, бу дебютантлар жамоасида ишлаш кандай кечди? Кизик, галати, кийин?

-Мен мактаб гапирмайману лекин хакикатни айтиш керак, жудаям зур ва кизик булди. Мен бундай эркинлик мухитда хали ишламагандим.  Фаррух Соиповни купгина актерлик ишларини биламан ва бу фильмдаги унинг режиссерлик ишидан (приятно был удивлен) кувончли тарзда ажабландим. Менга берган вазифалари хакикатдан бошкача булди, тан олдим узгача. Ролим узбек талкинидаги «Ромео Джульетта» фильмидаги Тимур каби булди окаси булади кизни, салбий булгани билан бу фильм сунггида яхши тарафга узгаради.

Салбий роль талкин килишга Сизда узига хос бир куркиш хисси бор деб эшитгандим, бошка бундай рольни талкин килмайман деб хам айтган экансиз

-Ха тугри, булган шундай. Атрофдаги фикрлар, муносабатлар бунга сабаб булган.

«Бурилар» фильмидаги салбий ролингиздан сунг бир гап-суз таркади, Сизни мухлислар уришган эмиш, ва хатто яшаб турган ижарадаги квартирангизни ойналарини тошлар отиб, синдириб хам кетишган эмиш.

-Кайсидур уртогим шуни айтганди, ундай нарса булмаган, лекин шу уртогим кайсидур газетадан укиб колибди шу каби гапларни. Аслида ундай булмаган, факат кучада баъзи кизлар тарафидан  антисимпатик карашлар булган.

Хамкасбингиз Фаррух Соипов билан бир фильмда иштирок этган ролингиз биринчи маротаба тугрими?

-Ха биринчи  маротаба.

Фаррух бу фильмда   хам хамкасб, хам ракобатчи, ва бир тарафдан эса Сизга бошчилик килаётган режиссер булди..Сизга бу галати туюлдими?

-Тушундим нима демокчи эканлигингизни.  Тугри, мен хам «амбициозный» одамман, лекин, ишга келганда ундай чегара булмайди. Масалан у узини бир икки маротаба  режиссерлик тарафлама хаклигини исботлаб берди, уша бирон бир сахна куринишини тушунтириб. Шундан сунг бунака тушунчалар йуколди. Асли менда бундай карашлар йук.

Айтмокчи булганим сикувга олиб ишланмади, зур мухитда ишладик. Суратга олиш майдонидаги мухит жуда зур булди.

Машхурлик келтирган фильм деб кайсини айта оласиз?

-Машхурлик…(уйланади), биринчи дебьют ролим 2005 йилги уша «Нахотки сен?» фильми  булган. Ундан аввал реклама ва клипларда иштирок килиб турар эдим. Бирданига машхур булиб уйгонган куним булмаган, боскичма-боскич булган. Бунинг учун битта одамга рахмат дея олмайман, уша институтдаги домлалар ва режиссерлар. Уша институт даврида хам харакат килиб, суратларни топшириб келганман.

Узга миллат вакилига уйланган булармидингиз?

-Менимча йук.

Севганингиз борми деган саволга аксарият машхурлар имидж ва бошка бир бахоналар юзасидан йук деган жавобни айтишади, лекин,  агар мухаббат соф ва хакконий булса шу интервьюдаги бир муддат учун хам у севгидан воз кечмок…

-Севганим бор.

Исмингиз тарихи, купчилик интернетда Азиз деб адаштирганлар хам булди.

-Аслида Адиз бу Азиз исмига ухшаган ном. Бухорога борсангиз хаттоки Адизовлар деган фамилиялар хам бор. Тожикча исм. Адиз ва Азиз бу синонимлар, азизли ва кадрли инсон дегани. Исмимни дадам куйганлар.

Мурод Раджабовга ким буласиз?

-(кулади) Кариндош эмас. Якиндагина кучада биттаси сураганди.

Бугунги кунгача талкин этган ролларингизни кай бири узингизга якинрок?

-Хаммасидан бир шингил олиб чиксангиз шунда узим чиксам керак.

Актерликда хам андаза олинадими?

-Нима булганда хам ижодкорни узлиги булиши керак деб хисоблайман. Узиники булганда оригинал чикади. Куп фильмлар томоша киламан, лекин улардан андаза олишга интилмайман. Аль Пачино, Роберт де Ниро, узимизникилардан Мурод ока Раджаповларнинг роллари ёкади.

Кандай фильмлар узингизга ёкади?

-Хамма жанрдаги фильмларни томоша килавераман, лекин, купрок трагикомедиялар, драмалар, психологик фильмлар ёкади.

Бирон рольни талкин килишдан аввал уни келтирадиган машхурлиги, рейтинг даражасига таъсиридан ташкари томошабинга кандай сабок ёки намуна хакида хам кайгурасизми?

-Хм…(узок уйланади). Тугрисини айтсам, масалан хар бир образни курганимдан  сунг, йил сайин одамни боши урилавериб олдиндан билиб колар экан, томошабинларда симпатия уйгота оласизми, ёки кунгли коладими йукми. Барибир биринчи навбатда шунга эътибор каратиш керак.

Орзуингиздаги роль

-Орзуимдаги роль Худо хохласа булсин. Албатта тарихий фильмдаги роль орзуим ва яна психологик фильмда роль..

Нималар ажаблантиради, кувонтиради ва газаблантиради?

-Одамларнинг тезлик билан хаётдаги урнингизга караб узгаришлари ажаблантиради, иккиюзламачилар газаблантиради, кувонтирадигани хамма яхши холатлар.

Бирон инсон билан муносабатингиз узгаришига шундай вазият такозо килса-чи, айтайлик якин бир танишингиз бирданига амалдор булиб кетди дейлик, сиз аввалгидек хазил билан мурожаат кила олармидингиз?

-Нима учун йук? Узгармайман, булганим шу, инсон ичидан кандай булса шундай барибир колаверади. Муносабатим узгармайди.

«Суперкелинчак»га караганда «Ичкуёв» кутилган натижани бердими?

-Билмадиму, уртокларим менга  4 бахо беришди.

Бугунги кунгача иштирок килган фильмлардаги кайси сахналарини узгартирган булардингиз ёки кайси сахналари жуда манзур келган?

-(узок уйланади). Хаётда узим эмоционал инсон булганим сабабли, шунга боглик сахналар ва образларим менга ёкади ва купрок узига жалб килади. Узгартиришга келсак…менимча бу нарсалар одамнинг чарчогига караб белгиланса керак.

Сизга тугри келмайдиган сахналар булиши мумкин, дейлик «Суперкелинчак»даги Диана Ягофаровани эхтирос билан кучоклаган сахналарни айтсак. Юкорида менталитетимизга хос булмаган нарсалардан йирок тарбияданман дегандек килдингиз-да.

-Хамма журналистлар шунаками Сизга ухшаган?

Йук.

-Окажон, ман Сизга тушунтириб бермокчиман, билмадим Сиз хозир, ха бу гапираверади дейишингиз мумкин, лекин бор гапни айтай, фильмдаги рольни холатига кирганингиздан сунг, Сиз бошка нарсаларга ахамият бермай куясиз, берилган ролни ижро киласиз, шунинг учун бундай нарсалар хаёлда булмаган.

Нима учун хамма журналистлар хам Сиздекми деган савол бердингиз?

-Чунки, узимни гапларимни узимга нисбатан карши килиб кайта савол бераяпсиз.

Олишиш жараёни бу бахс эмасми?

-Хакконий хаётда булганида бошка гап, лекин мен фильм хакида гапиряпман.

(Адиз билан бир муддат бир-биримизни урганиш учун интервьюдан ташкари сухбатлашиб олдик, ва шундан сунг сухбатни давомладик)

Хаётда хам  севган инсонни кунглига йул топиш учун «Суперкелинчак»да йигитлар билан урушиш сахнасини ташкил килгандек йул тута олган булармидингиз?

-Ха. Менимча инсон севганида кузига хеч нарса куринмайди.

Фильм хаётдан йирок деб хисоблайсиз?

-Ха.

Бир неча йиллик тажрибага эга актерларни зимдан кузатадиган булсам, хаётда хам ролга кириб кетиш холлари кузатилади, гуё сахна билан хакикий хаёт чегарасини унутиб куйишгандек.

-Бу ёмон нарса.

Бундай холатларни узингизда сезган пайтлар булганми? Хаётий актерга айланиб колишдан куркмайсизми?

-Тугрисини айтсам бу хакида уйламаганман. Бундай булаётган булса хам одамни узига билинмайди. Хали бу сохада ёшман, тажриба унча йук,  ва атрофдагиларим хали бу нарсани сезишмади.

 Режалар

-Уз сохамда тажриба орттириш

Бунинг учун нималардир киляпсизми ёки факат фильмларда суратга тушиш билан чегараланмокдамисиз?

-Хозирча ха.

Институтларда дарс жараёни кандай кечади

- Укитувчилар мухитни тугдириб беради, ва кизик холати кейин бошланади, яъни жараённинг очилиши.  Уша пайтлар Этюдлар килардик. Кимдир ниманидир хеч качон тушунтириб бермайди, ушани ичида хаммаси очилади. Тугри китоблар укийсиз, дейлик Станиславский ва хоказо, лекин барибир хаммаси сахнада булади.

Импровизация килишга улгурдингизми?

-Хм….Ха.

Масалан

-Шу хар бир ролимда кандайдир бир кичик булса хам килиб кетган жойларим булган.

Интернетга муносабатингиз?

-Яхши, лекин..виртуал хаётнинг ёмон тарафи купчилик уйламасдан ёзишади. Интернетда жазосизлик бор. «Одноклассник» бор эди, хозир учириб ташладим, жуда хам куп вакт олади, кейин мен у ерда уз синфдошларимни топиш учун, бошка мамлакатдаги дустларимни топиш учун у ерда булсам, бошка одамлар хам кираверади, «дружить»ни «отказ» килсангиз, хафа булишади. Узи кунглим..анака..

Канака?

-Нозик-де,  (буш демокчи булди шекилли) мендан кимдур хафа булишини хохламайман. Кимнидир хафа килишга хакким йук-ку.

«Олой» бозори тарафида Сизга карашли интернет кафеси бор экан..

-Ух…(кулади). Уртогим билан очганман тугриси.

Журналистлардан ёкмайдиган саволлар  

-Оила хакида, мухаббат ва умуман шахсий хаёт  хакида. Гонорарни сурашмасин, чунки кулгули мавзу. Киёслашга оид саволлар, масалан «Ё Дилноза Кубаева, ё Диана Ягофарова» мана шу нарсалар ёкмайди.

Албатта шахсий хаёт бу шахсий, лекин, уятлик нарса эмаску, бирон айби булмаса..

-Кимлардир тугри имидж, рейтинг устида шу нарсаларни ёктирмаслиги мумкин, менда эса, масалан бирон бир максадни кузлаб беркитмайман. Шунчаки бу хакида биров билишини  истамайман, шунинг учун хам у шахсий деб аталади. Тугриси-де (кулади)

Умуман рейтинга интилмаганман хеч качон.

Машхурликка кадам куяётган инсон учун шахсий хаёт хам кенг омма куз олдида булиши тушунарлику?

-Барибир калбда бу билан доим кураш булиб туради. Барибир Сиз буни хеч качон кабул кила олмайсиз.

Качон уйланасиз?

-Кейинги йил Худо хохласа. Режа шундай булиб колди.

Севганингизга?

-Худо хохласа

Сизга зур бир сценарий беришди дейлик, лекин гонорарга келганда «Адиз кара шундай зур мавзу, умрингда бундай рол уйнамагансан,  шу гонорардан кечиб куя кол» дейишса?

-Ха..(ишончли равишда тасдиклайди) Ха!

Бошка жавобни кутмагандим хам.

-Йук, балки бошкалар хам шундай жавоб берар, ха, вух деб баландпарвоз гаплар килиб. Жиддий, мана окажон: Ха!

Ха?

-Хакикатдан, яхши, зур булса, (эмоция билан ургу бериб): «кайф» килиб уйнасангиз пули кузингизга куринмайди, тугриси. Ишонмаяпсиз-да, ичимдагини айтдим дилдан.(кулади). Мана, кейинчалик мани яхши билиб олганингиздан сунг сузларим самимий эканлигини биласиз.

Адиз билан сухбат  хотимасида уз фикримни кай тарзда баён килишимни уйлаб колдим. Сухбатни укиб у узи хакида эмоционал эканлиги ва сухбат давридаги ишонтириш учун куйиниб, чин дилдан гапираётганлигини сезган булсангиз керак.

Хулоса килиб айтсам, бу укиганингиз реал хаётдан умуман фарк килмайди.

Сухбат даврида худди шундай эмоционал ва чин дилдан гапирганлигини гувохи булдим.

 ФИКР

Бош сахифа