Ботир Кодиров ва 8-та Майкл Джексон,
Мансурхон Нурматов собик араб куйчиси?
Концерт дастури «Бу йил узгача» лекин, «Ака-укалар» деб номланиши хам режада булган.
Бу йил улар охирги маротаба бирга концерт беришади…Сунгра ижодий ажралиш куйи!
Мазкур интервьюда Мансурхон такдимот тарикасида булажак дуэтнинг сузларини айтиб берди, кизиги бу Ботир учун хам сюрприз булди.
Ботир Кодиров билан деярли унинг бир куни билан танишиб, студияда болалар уйидаги етим болага аталган кушигини ёзилишида иштирок этиб, унинг жонли овозидан бахраманд булдик.
Мансурхон Нурматов авваллари арабча кушикларни куйлаганлигидан вокиф булиб, сухбат сунггида унга арабча кушик куйлатдим, ва жонли ижрони диктофонга туширдим.
Бундан бир йил аввал Ботир Кодиров билан сухбат килгандим. Ва бу сухбатгача унинг ижоди билан таниш эмасдим, бу сухбатга хам баъзи шов-шув сабаб учрашишга таклиф килгандим.
У хакидаги фикримни «Диктофон учирилиганда» лойихамда танишгансиз.
Бу йил яна Мансурхон Нурматов билан концерт беришини эшитиб, биратула иккиси билан пресс-конференциядан олдин учрашиб сухбатга тортишга ахд килдим.
Кунгироклашганимни эртаси куни, уларнинг офисида учрашувни Мастура уюштириб берди.
Кириб келганимда Ботир анчайин соколлари усиб, чарчок холда эканлиги, ухламаганлиги шундок куриниб турар эди.
Мансурхон билан эса бу биринчи учрашувим эди, асосан Ботир билан салом-аликга берилиб кетганим боис, жимгина утирган Мансурхон жиддийрок туюлди. Сухбат авжидан узгариб, сухбат тугагач булар нима учун доим бирга концерт беришларини узимча хулоса килдим.
Лекин бу хакида кейинрок.
Ботир билан сухбатимиз булиб Мансурхон билан булмаганлиги боис кискача у хакида маълумот:
Нурматов Масурхон Хамидович 12-сентябрь 1975 йил Куконда тугилган, маълумотингиз деган саволга яхши деб жавоб бериб хаммани кулдирди, сунг тугирлаб урта деб кушиб куйди. Уйланган икки фарзанди бор. Тиллардан узбек тилини мукаммал билади.
Иккингизда хам деярли санъаткор учун керакли булган нарсалар етарли, иктидор, репертуар, кушиклар жамланмаси…лекин нима учун клиплар йук? Прома деган нарсага ургу умуман йук
Мансурхон:-Уша, (продюсерлар утирган хонага карата) уша томонга берворсангиз саволингизни (кулади)
Ботир:-Мени тушунишимча клип килмаслигимизни сабаби, аввал халкнинг кунглига овоз оркали кириб бориш. Одамлар кучада мошинадами кушикни эшитиб колиб, «Ким экан бу овоз сохиби?» деган савол тугилиб, Мансурхон Нурматов ёки Ботир Кодиров айтган деб эслаб колиши. Яна бир сабаби вокеаликка богланиб колмаслик, лекин бу йилдан ният бор.
Мансурхон:- «Тулин ой» кушигимга клип килганмиз, лекин, тугри, камчилигимиз кам «айлантирганмиз». Келажакда булади хаммаси.
Доим иккингиз биргасиз, концертлар хам хусусан, бир лойихадек, нима учун шу бир гурух очиб куя колмайсизлар? Аввалги сухбатда Ботирга хам шу савол билан мурожаат килгандим, масалан «Тату»сифат гурух килиб?
(иккиси кулади)
Мансурхон:- Энди буёгнинг (Ботирга курсатиб) оркасида купчилик, менинг хам оркамда купчилик, фаолиятимиз шундок хам алохида, концертларда бирлашамиз. Шунинг учун оркамизда купчилик булгани бир томон булса, иккинчи томони шу концертда бирлашганимиз хъам шу катта нарса. Бир-биримизни репертуаримиз халал бермайди. Туй хизматларида куп куришиб турамиз.
Ботир Кодиров:-Телефонда богланиб, холиимиздан хабар олиб турамиз.
Мансурхон:-Унинг хам узига яраша ишлари куп, мени хам.
Борган сари иккингизни хам кушикларингиз бир-бирига ухшаб кетмокда, албатта бир киши сизларга ижод килиб бераётгандир, лекин, йуналишлар хам бир хиллашиб кетаётгандек.
Ботир:- Энди, нима десам булади, оилада масалан, ота-она козонда ош пиширса, оилада икки-уч фарзанд булса, хаммаси хар-хил ейди тугрими? Кимдур чапакай, кимдур кошигни чап кул билан ушлайди, кимдур кул билан ейишни яхши куради, кимдур узокрок чайнаб ейишни яхши куради, кимдур чайнамасдан ютишни яхши куради, лекин, битта нарса ейишади тугрими? Бизни мусика йуналишида битта одам тарбиялайди, Мусахон Нурматов бизга шу кушикларни килиб берадилар, санъат сирларини шу инсондан урганганимиз учун, кандайдир ухшашлик негизи туради, лекин овозда ва стилистикада фаркли.
(Сухбат шу жойига етгунича Мансурхон бир нимадан безовталанаётгандек, жиддий тарзда телефон аппаратини гох гилофига солиб, гох чикариб бевзота одамни эслатадиган тарзда утирарди.)
Бир нарсадан безовталанаяпсизми дейман? Нима кийнаяпти Сизни хозир?
-Йук, йук, хаммаси жойида, чарчок бор озгина холос.
Одамнинг психологик ички кечинмалари ташки физиологиясида барибир узлигини намоёнлайди-да.
-Шунчаки, кечаси соат 3 ларда ухлагандим.
Яхши, демак кейинги савол:- Мансур Ботирни ва Ботир Мансурни танкид киладиган тарафлари? Бир бирингизда курадиган салбий тарафларингиз?
Мансурхон:-Тугрисини айтганда, бир биримиздаги камчиликни курганда индамаймиз. Мабодо мен Ботирни ёки у мени хафа киладиган иш килиб куйилса, мусулмончиликка хам тугри келмайди хафачилик. Орамизга совукчилик тушишини хохламаганимиздан бир-биримизни тушунишга харакат киламиз. Танкид ахтармаймизда, яхшиликка буриб кетаверамиз.
Тан оладиган ижобий тарафларингиздан-чи? Булади-ку хар бир одамнинг кандайдир бир яна ютуги деймизми, хислати
Ботир:-Мен Мансур окамда тан оладиган нарсам бор, Мансур ока билан зерикмайсиз, кулдиришни биладилар, мен билмайман. Масалан уша Туркияга сафарда булганимизда хам, мен Мусахон ока билан мехмонхонада бир хонага тушиб колганман, Мансур ока билан эса Атхам Солиев, шунда Мансур ока билан бир хонада ётмаганимга афсус килдим. Албатта Мусахон ока хар холда бизга устоз, уларни олдида жиддийрок булиш керак, шу тарафдан кийналдим. Кучага чикган пайтда эса Мансур ока билан кулишиб юрдик. Шу Мансур ока билан зерикиб колмаслик тарафини тан оламан.
Мансурхон:-Концертларда куп буламиз, мен кушикларимни айтиб чикиб кетганимдан сунг уша файзини мендан кейин чикган Ботир зур ушлаб тура олади. Мен уйлагандан хам чиройлик халкни ушлаб туради. Купинча Ботир Мансур окам биринчи чиксинлар дейди ва шу туйда хам мендан сунг уни файзни ушлаб тура олишлиги ёкади.
Нима учун хамон иккингизни дуэтингиз йук? Мана 3 йилча бирга фаолият юритаётган булсангиз нахотки бирга дуэт куйлаш фикри келмаган?
Мансурхон:- Бу хакида уйлаганмаиз. Дуэт айтиш режамизда бор. Хатто шеърлари хам тайёр:
Утар кетар дунёда,
Олиб сотар дунёда
Битта сотмас дуст
Топдинг-деган кушик.
Ботир:-Мени лекин хабарим йук эди бундан (кулади), сюрприз булди, Бухорода булганимизда режалаштиргандик, лекин, шеърини хали укиб бермагандилар. Мана сюрприз тарикасида хозир премьераси хам булди сузлари.
Аввалги концертингиз бошида иккингиз сахнага чикиб бирингиз карсак чалиб турдингиз иккинчингиз айтингиз, ва иккинчингиз кушик айтиб турганда биринчингиз карсак чалиб турдингиз. Сал галатирок туюлди. Шартмиди икковингиз сахнада туришингиз? Бу йил хам шундай буладими?
Ботир:-Бу йил кандай булади хали билмадик, сценарий билан хали танишмадик. Сахнага иккимиз чикганда мен учун Мансурхон оддий, ва мен хам улар учун оддий уша билган Ботирман. Ким булишимиздан катъий назар ва канча мухлислар олдида турганимиздан катъий назар. Ва бу сахнадаги туришимиз мухлислар учун биз доимо бир-биримизни куллаб-кувватлаб туришимизни англатади. Сахнада бир-биримизга ракиб эмаслигимиз, биз факат (алохида ургу билан) дустлигимиз! Сахнада биз (яна ургу билан) дустона муносабатда иккта санъаткорни бир-бирига булаётган дустлик куллаб-кувватлашини курсата билиш булган холос.
(Мансурхон хм-дея хар бир гапни тасдиклаб турди)
Дуэтни хамма килади, килган хам. Балки шу иккимиз бир концертда булиб шундайин булишимиз узгачалиги фарки хам шундадир.
(Мансурхон яна жиддий тортиб колганига мавзуга эътибор каратиш учун хазиломуз юзландим) Мансурхон жим утираверадилар шунда-а?
Мансурхон:-Саволингиз уша карсак чалиб туришлар дедингиз. Энди шу халкни олдида турганда хам, биринчи навбатда кушикдан хам олдин самимийлик. Бу кушик кейингирок нарса, биринчи одамларга курсатиб берганимиз бу самимийлик. Уша пайтда куйланаётган кушикларни одамлар эшитиб булишган, биз самимийликни курсатиб беришни истадик холос. 1995 йилдан бери кушик айтаман, туй ва концертларда юриб хар-хил санъаткорларни курдик. Шу Ботир билан бир концерт бериш менга ёкади, бунака санъаткорлар кам хаётда. Биров билан бизнес киладиган булсангиз хам, бир йил бизнес киласиз кейин орадан бир мушук утади бошка булади. Тугри маъмурларимиз бир булгани билан уришиб колишимиз хам мумкин-ку, лекин, самимий ёндошганимиз учун хам биргамиз. Факат кушик эмас-ку хаётда, инсон ганимат, факат пул эмас, инсон бир-бирига самимий булса, Худони олдида хам, бандани олдида хам хамиша бу дунёси хам, у дунёси хам яхши булади. Биз самимийликни курсатиш учун килдик шу нарсани, одамларга урнак булсин деб.
Иккингиз хам шоу-бизнесимиздан ташкаридаги кандайдир узга бир оламдаги узларини алохида шоу-бизнеси бордексизлар. Канакадур ажралиб турасизлар. Гала-концертларда булмайсизлар, «Мана узимиз концерт бердик, булди»-каби.
Ботир:-Йук, йук, ниятларимиз бор давлат тадбирларида катнашиш
Мансурхон:- Ниятларимиз бор..
Купгина саволларга стандарт равишда бериладиган «Келажакда, режамизда бор» деган жавоблар ажаблантиради. Вахоланки неччи йилдан бери шу санъатда булиб, масалан Сиз Мансурхон, хозиргина 14 йилдан бери санъатдаман дедингиз, бу кам муддат эмас, нахотки шу давр ичида бу нарсалар уйланилмайди, ёки бу биринчи маротаба берилаётган саволлардан булса тушунса булар, ха энди режага куямиз-десангиз.
Мансурхон:-Энди битта мисол, битта концерт буляпти-а, 8-март концерт дастури дейлик, мана шу байрамда катнашишни режа килиб турибмиз иккимиз дейлик, лекин уша куни бир жойдан буюртма тушса ва маъмурларимизга шу жойга бормасангиз булмайди деб илтимос килишса, биз мажбуран уша байрам концертда иштирок эта олмаслигимиз мумкин, лекин барибир хурсанд буламиз чунки уша куни барибир кайсидур ерда уша халк учун хизмат киляпмиз. Таклифлар лекин булади давлат тадбирларимизга, уша уюштираётган окаларимизга катта рахмат, лекин, купинча насиб булмай колади.
Шу «Лекин»ни бошка тарафи хам бор-да, Мансурга караганда, Ботир тадбирларда фаолрок. Мен узим шахсан шундай тадбирларда куриб гувохи булганман, Ботир бор, лекин Мансурхон йук. Мана шу интервьюда куриб турибман, камнамороксиз.
Мансурхон:-Очигини айтиш керак, асли Куконлик булганим сабабли, ота-онам хам уша ерда узимни уйимда колишган, шунинг учун купрок Куконда булишга мажбурман. Албатта бу ерда ишларим куп, лекин, уша ота-онам учун уша ерда булишим шарт. Агар бошка уй олаяпман деб уларни кучириб олиб кетмокчи булсам, оркадаги махаллага хам кучишмайди. Негаки уша ерда хамма танишлар, одам кариган чогида янги биродарлар орттириши кийин. Узлари усиб улгайган махалла. Шунинг учун бу ердаги хамма ишларимни тезда битирим уша ота-онамни хизматига ошикаман. Мактаниш эмас, шу давргача бу ергача келганим бари ота-онамнинг дуоси билан, уларни розилиги билан. Тошкентда уйим бор, лекин бошка тарафдан уз оиламни олиб келганим билан ижодга таъсири булиши мумкин.
Ботир:-Мен эса Тошкентда уз оилам, онам хам шу ерда.
Йуналишдан ташкари ухшаш тарафларингиз?
Ботир: Йуналишдан ташкари, ташки куринишни оладиган булсам, мени буйим узунрок (кулади), билмасам нимамиз ухшаш.
Мансурхон:-Ухшаш тарафимиз нима булганда хам каерга булса хам етиб борамиз керак пайтда. Ухшамаслик тарафимиз хам бор, бу Ботир телефонда куп гаплашади, мен эса кам. (кулади)
Ботир:-Тугри
Лекин интервью пайтида асосан Мансурхонни кулидан телефон тушмай, телефонии жиринглаб ётибди
Ботир:-Шу куп гаплашасиз деганлари учун «товушсиз» килиб куйдим (кулади)
Мансурхон:-Ха, ухшаш тарафлардан мен бир нарсадан хурсанд булсам Ботир хам хурсанд булади, ёки мен Бирон нарсадан хафа булсам Ботирни четлаб утиб кетмайди уша нарса. Яна ухшашлик тараф, Ботирнинг «Адашдим» кушиги хам бир пайтда чикди, менинг «Даврага тушган гузал» кушигим хам бир пайтда халкга етиб борди. Бу энг мухим ухшашликлардан.
Ботир:-Ха.
Янги концерт дастурингиз аввалгидан нимаси билан фарк килади? Факат билмайман жавоби кабул килинмайди
Ботир:-Мен ва Мансур окадан умуман кутмаган стиллар бораси деймизми, кушиклар деймизми янгиликлар бор.
Мансурхон:-Бор, энг асосийси шу.
Ботир:-Эй, «неужели» Ботир Кодиров шу кушикни айтиши мумкин эди? Ёки шунака стильда кушик айтиши мумкин эди деган нарса булади.
Нахотки рэп куйласангиз?
Ботир:-Йук, уша миллийликни йукотмаган холда албатта. Уша узимизни негизимиздан чикмаган холатда янгича узгача услубда кушиклар булади.
Кандай килиб негиздан чикмаган холда янгилик килиш мумкин?
Ботир:-Канакадур фоизда «хиди» келиб турадида ниманидур, уша олдинги кушикларимиз, уша олдинги овоз ишлатиш махоратларимиз, Мусахон Нурматовни албатта бу ерда таъсири бор. Албатта шу нарсаларни «хиди» келиб туради, лекин, шу янги концертда куйлайдиган кушикларимиздан баъзилари албатта мухлислар учун янгилик булади.
Мансурхон:-Узгармаган нарса факат битта нарса булади, кушикларда ижрода ва стилларда узгариш бор, лекин, аввалги концертдаги дард хам, бу концертдаги дард хам бир хил булади.
Мусахон Нурматов иккингизга бир йуналишда кушик ёзиб бериши тушунарли, лекин сизларни узлигингиз нимадан иборат? Нега албатта уша устозингиз айтган йуналишда худди ушандек куйлаш шарт? Балки Ботирда рок яхши чикар, балки Мансурхонда опера, бу албатта шунчаки мисол тарикасидаги купол таккослаш, демокчиманки узингиз хеч уйламаганмисиз, нимани узингиз хохлаяпсиз, узингизни ихтиёрингиздаги ва балки махоратингизни очиб берадиган иктидорингиз нималарга мос, хеч тажриба хам килмаганмисизлар узлигингизни топиш йулида? Факатгина шу, ха майли халк «еяптими» прома кетяптими, туй келяптими булди эмас, факат Мусахон булиш керак эмаску, ижодкорсизлар-ку тугрими, кимдур сизларнинг устингизда эмас, сизлар уз устингизда ишлаш борми? Албатта тан оламан Мусахон окани хизматлари ва иктидорларини, лекин сизларда у каби узлик йук-да.
Мансурхон:- Оллохга беадад шукур, бизни тажрибамиз, мактаниш маъносида эмас-ку, узига яраша булгани учун Мусахон Нурматов билан Ботир ишлаяпти, Мусахон Нурматов менинг окам. Мусахон ока агар иккимизга бир кушик берса, ва Ботир хам ижрок килсин, сен хам ижро кил дейилса менга, уша кушик Мусахон окада бошкача чикади, Ботир Кодировга утиб у Ботир Кодиров булиб колади. Узингизни дардингизни у ерга аралаштириб тикмасангиз у шеърлигича колиб кетаверади. Кушикда кандайдир узингизни инсонлигингизни, нафас олиб туряптганингизни билдириб туриш керак.
Кизик, дард хам хар хил буладими? Хар бир инсонда дард бир хил булмайдими?
Мансурхон:-Отам билан севгим деган шеър бир-биридан узок-ку
Йук, айнан дейли шу Ота тугридаги кушик Сизда хам Ботирда хам бир хил дардда булади-ку. Ёки Сиз кувнок дард билан айтасизми?
Мансурхон:-Йук, Ботирни хаётида утган нарсаларни унинг узи билади, менинг хаётимда утган нарсаларни мен узим биланман. Шунга караб кушикдаги ижроларимиз узига яраша, узига хос дардли булади.
Бошка йуналишда айтиб куришдек тажрибачи? Балки бошка йуналишда хам муваффакият булар?
Мансурхон:- Айтинг энди Сиз (Ботирга юзланади)
Ботир:-Харакат киламиз албатта, ишлардан буш пайтда утириб, купчилик берган шеърлардан фойдаланиб масалан. Туйларда ёки бошка ерларда купчлик шеърлар бериб туришади, шуни кушик килиб айтинг -деб. Энди, кушикни хамма хам тайёрлайвермайди, бу кобилият хаммада хам бор эмас, бу хам би санъат. Масалан мен куп бора харакат килганман, масалан биронта шеърни олиб, мана шу зур шеър экан-деб унга куй бастала олмаганман. Шу кунгача харакат килганман, лекин ухшамайди, узим килган нарса узимга ёмайди. Балким, качондир ёкиб колар, балким зур бир нарса чикиб колиши хам мумкин. Лекин ушанда хам барибир харакат киламан.
Албатта узингиз бу кушикни килишингиз шарт эмас-ку, дейлик озарбайжонча, дейлик хиндча, туркча, ёки опера дейлик ва хоказо
Мансурхон:-Энди хозиргина шу гапга айтмокчи эдим.
Ботир:- Тугри, тугри, узи бу йил нима учун концертимизни «Узгача» деб номалаганимиз хам айнан шу рухияти озарбайжонча, арабча Европа ёки кайсидир миллат, уша сиз айтяптган стилларга булингандек, мана опера деяпсиз, уша стилларни кидириш шу йилдан бошланди. Бошка давлатларни санъатини канакадур уша мусикасида ёки бир айтилиш «манераси»да, шу «динамикалари»даги эътиборлар бу йилдан бошланди. Энди озарбайжончани тулик айтсангиз купчилик тушунмайди, ха озарбайжонча айтибди-дейди булди, бизнинг максад-узбек тилида озайрбайжонларга ухшаб куйлаш. Бу бизни ижодимизда янгилик булади.
Мансурхон:-Мана уч йилча булди форсчада айтмай куйдим, арабча, озарбайжонча ва эронча куйлардим. Менга бир арабча кушик берсангизу уша узбекча кушикдан осонрок менга куйлаш, тугриси.
Негадир ижод намуналарингизда биронтасини эшитмаганмиз.
Мансурхон:-Энди, арабчани кучайтирган билан, кайси миллатни кучайтирган буламиз? Арабларни кучайтирган буламиз. Биз узбекчани, узбек миллатини кушикларини кучайтиришимиз керак. Мен арабчани зур айтаман узи асли. Хозир исботига хам куйлаб беришим мумкин.
Кани?
Мансурхон:-Бу менга кийинчилик тугдирмайди, майли хозир саволларингизга жавоб бериб булайлик, сухбат сунггида куйлаб бераман.
Яхши, дейлик альбомингизда 12та кушик булса шундан 12таси хам «6Х8» услубидаги булиши шартми? Хеч булмаса 2-3таси бу йуналишдан паузаси билан узгача бир кушиклар булса булмайдими?
Мансурхон:-Режада бор, лекин сузлари шу узбекча булиб колгани маъкул. У кушикларни концертда айтмасак хам, туйларда шундок хам айтамиз.
Сухбатга келишдан олдин узимча тайёргарчилик куриб иккингизни хам дискингизни тинглаб чикдим. Тажриба сифатида атайин компютердаги Winamp программасига кетма-кетликни аралаш килиб куйиб чикдим, бир Ботирники кейингиси Мансурхонники килиб. 4-5 кушик утиб…тугриси ажарат олмай колдим ким кушик айтаётганини, Ботирми ёки Мансур. Юкоридаги саволларимдаги асосий ургу хам шундан келиб чикган холда берилган. Хозирда нафакат йуналишингиз, балки куйлаш махорат ва овозингиз хам ухшаб кетаётгандек.
Ботир: Яна жавоб-бу йилги концертимизда Сиз бераётган бу саволларга жавоб чикади деб уйлайман.
Мансурхон:-Юкорида айтганимдек сал нотугрирок булиб колгандек, халиги озарбайжончами бошка мамлакат кушикларини камситиш эмас, айта олмаймиз дегани хам эмас, керак булса жуда хам чиройлик килиб ижро килиб бера оламиз, туйларда масалан барибир ижро киламиз.
Дархакикат туйларда караб турсам халк айнан турк ва араб кушикларига чанкокрок, айнан шу йуналишдаги кушикларга купрок уйнашади. Репертуардаги шундай янги кушимча булса булмайдими? Концертга келган одамга тугри келмайдими? Уша туйдаги хам халк, концертдагиси хам-ку.
Мансурхон:-Булади, яхши кабул килиши мумкин, ха уша халк, режамизда бор бу нарса.
Яна режамизда бор, 14 йил утгандан кейин хам шу режамизда бор.
Ботир:-Шахсан мен бу йил репертуаримни хар хил стилларга булдим дея оламан.
Мансурхон:-Бир арабча кушикни мулжаллаганмизу, хали маслахатлашганимизча йук, буладими йукми деб турибмиз, барибир жамоада ишлангандан сунг купчилик фикри билан карор кабул килинади.
Энди шунча кушик орасида биргина кушикни бошкачарок куйлаш учун шартмикан бутун бошли мажлис йигиш?
Мансурхон:-Бир дона кушик-ку, лекин, бир кишини концерти эмас бу ерда, икки кишиники. Мен 10та кушик айтсам, Ботир 10та кушик айтса, биз танлашга мажбурмиз. Агар манники ёки Ботирники алохида булса 20 кушикни орасига кушиб юборишимиз мумкин. Лекин концерт куни янгилик булиши мумкин.
Кейинги саволим Ботир Кодировга, бу саволим купрок мухлислардан десам хам булади. Аввалги концертдан мисол олсам. Уша концертда Сиз кушик куйлаётганингизда икки киши сухбатлашиб утириб «Кара туришини ухшайди-а?, овози хам-а?» деб мухокама килиб туришди. Хаттоки Сиз кушик куйлаб булганингиздан сунг купчилиги сигарета чекишга хожатхона олдида йигилишди, уша пайт мен хам уша ерда булиб айнан Сиз хакингизда кизгин гапларни гувохи булдим, хусусан аксарияти бу концертга айнан Сизни деб келганлиги хакида. Узингизга бошка тарафдан алам килмайдими айнан шу хофиз билан боглик миш-мишлар оркали Сизга купрок кизикиш булганига, Сизни Ботир Кодиров булганингизга эмас, Сизни купрок санъатингиз ва кушикларингизга эмас?
Ботир:-Энди ака саволингизга битта жавоб-да, хеч ким осмондан «пак» этиб тушиб Майкл Джексон булиб колмаган. Тап этиб тушиб ооо Майкл Джексооон булиб колмайдику. Мен хам албатта хохлайман мени Ботир Кодиров эканлигимга концертимга тушишлигисига, узим учун, узимни овозим учун. Мана шу болани овози менга ёкади, шунинг учун кираман концертига дейишини хамма хонанда хохлайди менимча. Пиар булганлиги учун, кимгадур ухшаб ёки овози ухшашлиги учун энди уни одамларни узи танласин. (асабланиб овози тобора баландлай бошлайди) Масалан хар битта одамни олдига бориб, «Сиз нимага ман фалончига ухшаганим учун, ёки палончига овозим ухшагани учун концертимга кирдингиз?»-дея олмайсиз-ку. У халк! Халкга бир нарса деб булмайди. Халкни огзига ёки фикрига буйрук беролмайсиз, буйрук бера олмайди хонанда! Хонанда халкни дардига якинрок була олади. Дардини куйлай олади халкни, халкни керакли биронта нарсасини куйлай олади, лекин, «Мана бунака эшитгин, мани Ботирлигим учун эшитгин» дея олмайсиз. Энди у халк, кимгадур ухшаганим, овозим кимгадур ухшагани, кайсидур фазилатим, кушигим, муомалам учун киргани булиши мумкин концертга. Ёки кимдур мени шахс сифатида Ботир Кодиров булганим учун хурмат юзасидан киргани булиши мумкин концертимга. Шунакалар хам борда масалан. Ашулани тушунмайди, нима у ашула? Санъатни «воопще» тушунмайди, шинаванда эмас-да, лекин шунакалардан хам мен учун тушадиганлар бор.
Мансурхон вазиятни курибузини нокулай хис килдими, Ботирга рахми келдими, бироз енгиллаштириш максадида кулиб:- Саволлар билан кийнаб куймангда.
Хечкиси йук, Ботир билан бу биринчи сухбат эмас, у урганиб колган бу саволларимга. Ботир, лекин тан оласизми айнан аксарият Узбекистондаги Сизни концертингизга ташриф буюрадиганлар шу миш-миш оркали санъатингиздан хабардор булганига? Кандайдир шу нарсадан чикиб кетишга харакат борми ёки биронта йулини куряпсизми?
Ботир:-Туппа-тугри! Мен уша уз йулимни топиш учун менга Мусахон Нурматов катта ёрдам беряпти. Санъатда уша ёшлигимдан эшитиб юрган кушик йуналишидан чикиб туриб битта бир урталикни топиб, узимни номимга эга булишга мени продюсерларим, бастакорларим, маъмурлар, бутун бир жамоа ёрдам беряпти. Кимнидур ашуласини, бутун умри мобайнида, 20 ёшигача эшитиб юриб, уша мактабда масалан тарбия олган хонанда учун бу кийин. Осон нарса эмас шу йулдан чикиб туриб бошка бир йулни олиб туриб, уша йулда кандайдир бир узлигини кидиришлик. Балким бу хам яхшиликкадур. Масалан мен уйлайманки балким…масалан..(тухтаб кулади, сунг давомлаб)..масалан бутун умр Майкл Джексонни кушигини айтиб юрсам, Майкл Джексонни «М»сига хам ухшамаслигим мумкин. Етиб бормаслигим мумкин, чунки Майкл Джексон бу Майкл Джексон.
(Сухбатимизда Майкл Джексонга текин пиар булаверганидан маколани бежиз бундай номламаганимни тушунгандирсиз, нак 8 маротаба текин пиар булди-муаллиф) Хеч ким Майкл Джексон була олмайди. Майкл Джексон у уша уз замонасида, уз пайтида уз овозини куйган, уз стилини куйган, янгилик булган, уйин булган. Энди хозирги замонга, хозирги пайтга, хозиргача узгача бир санъат керак булаяпти. Демакки мен ёшлигимдан бошлаб устоз санъаткорларни кушигини тинглаб тарбия олган булсам, бу яхшиликка булган. Демакки мен биламан канакадир стилларни, канадир практикам бор, энди узимни топишим керак, бунда Мусахон Нурматов ёрдам беряпти, балки мшу ишлар билан эстрада миллийлик..Масалан миллийликдан келиб чикдим-ку, эстрадага утдим тугрими? Энди бу козонда хам кайнашим керак-де, тушунишим керак-да мен учун булган кандайдир янгиликларни, кашфиётлар килишим керак-да. Энди балки мшу ерда кандайдир урталик пайдо булар деган максад бор.
Узлик
Ботир:-Ха.
Интервьюнинг давоми хамда видео ва концертда буладиган кушикларни тинглаш
| 