Узбекистондаги санъат аста секинлик билан «Шоу-бизнес» тушунчасига айлана бошлангач, ундаги узгаришлар, хусусан, имидж, сахна куриниши, стиль, пиар деган тушунчалар билан бойитилмокда.
Хозирги кунда хар ким уз хаётдаги куринишидан сахна ва телеэкранда куринишидан кескин фарк килмокда. Купчилик балки хаётий булиб колмокда, кимдур умуман хаётдаги куринишига зид ва тугри келмаган куринишда эфирда куринмокда. Нима булганда хам унинг замирида…ёлгон..
Шу нарса куп уйлантиради, шартмикан мухлиснинг юрагига ёлгон билан урнашиш? Унинг умри канча кечаркин? Имидж, стиль, сахна куриниши, пиар тушунарли нарса, лекин санъат деган тушунчага менимча бу умуман керак булмаган нарсалар. Иктидорга яхши устоз, дарс ва дид булса кифоя эмасмикан?
Мана шу шаблонлар таъсири остидаги юлдузлар билан сухбатлашиб купчилигининг хаётдаги куриниши сахна куринишидан афзал деган карорга келдим.
Бугунги сухбатдошим билан булган сухбатдан эса, кай бири афззаллиги сизларга боглик. Балки янгилик яратмасман, балки сизларга унинг сахна орти куринишини крусатарман, хар холда хулоса узингиздан. Мен эса кулимдан келганча мазкур сухбатни максимал даражада реал курсатиб беришга харакат киламан.
Нилуфар Spears???
Тарона овоз ёзиш студиясида Нилуфарни керагидан купрок муддатга кутишга тугри келди, тиш шифокорида даволанаётган экан. Тарона ходимлари билан сухбатлашиб утирганимизда Нилуфар юзаки саломлашган булиб утиб кетди. «Кани мани кутяпган журналист?» деб хонама-хона кидира бошлади. Унга биз утирган хонани курсатишгач, юзида бир катъий жиддийлик билан кириб:
-Сизми журналист? Овола коласизми?
-Салом ха мен, нимани?
-Интервьюни.
Мазкур кайфият тиш шифокорининг муолажалари остидаги каттик азият натижаси эканлиги яккол сезилди.
Усмонова Нилуфар Ибрагимхановна 6 апрел
19..(кулиб куяди), маълумоти тугалланмаган олий, юридик институтида тахсил олади. Ажрашган, Саидаъзамхон исмли 4 ёшли угли бор, узбек тилидан ташкари рус ва инглиз тилларини мукаммал билади, классик китобларни болаликдан куп мутоала килган, хозирда русча
«Как выйти замуж за олигарха» каби китобларни укишни ёктиради.
Хоббиси: Либослар дизайнини тайёрлаш, тайёр махсулотлари бор (бу маълумот айтишича хали хеч кимга айтилмаган).
Болаликдан узи китоб ёзади. Икки тайёр китоби бор, улардан бири хохлаган инсон булиш хакидаги китоб.
Узингиз истаган инсон хакидаги китоб, хуш, бугунга келиб неччи фоизи ёки кайси куриниши шу китобдагидек руёбга чикди?
-Мустакил эканлигим, хеч кимга карам эмаслигим.
Жудаям мустакиллик, карам булмаслик балки яхши эмасдир?
-Нима килиш керак? Мана, эрдан ажрашдим, буёгига нима килиш керак? Турмушга чикишни хохлаганман, оилалик булишни хохлаганман, шарт деган тушунча эмас…мана нима килай? Хаёт-да..Мен хам хохламаганман ажралишни. Узим отасиз усганман, хохламайман мени болам отасиз усишини.
Демак, халкда юрган гап сузлар замирида хакикат бор экан-да, «Бу икки ёш узи хал килмаган ажралишни, икки тараф ота-оналари карори»-деган?
-Сиз Юлдуз Усмоновани сирини биласизми? Юлдуз Усмоновани сири йук хеч кимдан. Хаммага очик ойдин хамма нарса хакида гапириб юрадилар. Бундан гохида азият хам чекадилар. Хамиша хакикатни гапиравериш хам булмайди. Мен ёшлигимдан мустакил усган инсонман, бувим тарбиялаган. Кейин Англияда тахсил олдим. Кайтдим, яна кетдим. Бу ердаги хаёт билан у ердаги хаёт бошкачарокда барибир. Менталитет кескин фарк килади. Карорга келсак, бу мени карорим. Бу мавзуни кутариш учун уни бошиданок билиш керак. Кейин эса савол берасиз узингизга «Шартмикан шу мавзуни кутариш?» деб.
Лекин бу мавзуни Сиз кушикларингизда тараннум киляптгандексиз
-Кушикларим мени келажагим.
Халкда юрган гап-сузлар билан куйлаётган кушикларингиз мос тушяпти. Уша ажралиш боисига «Таслим булдим»даги вокеаларга шама булгандек, «Бир кунинг бахш эт»да армондек, согинчдек, ва яна мана «Орадан утмокда йиллар, дил сени согиниб йиглар» («Айбдор факат мен»)…Пиарга мухтожлик йук агар пиар десак.
-Мен пиарга ишламайман.
Кушикларим келажагим деяпсиз, лекин тарихга ухшайди
-Мен хозир куйлаяпман-ку, хозир бир кунинг бахш эт деб.
Нима учун унда клипда келинлик либосини кучоклаб йиглаяпсиз? Утмишни клипда курсатяпсизку
-Утмишни курсатмаяпман, бир кунинг бахш эт деяпман, каердан биласиз балки улиб кетгандур мен куйлаётган кушик хакидаги инсон.
Унда «Эрга тегишни хохлаяпман» деб куйлаяпсизми?
-Ана! (чапак чалиб кулади). Янги гоя келди! Мен эрга тегишни хохлаяпман (кулади). Йук хазиллашяпман, хозир эмас эрга тегиш.
Сизга хаётда аччик хакикат якинми ёки ширин ёлгон?
-(хаёл суриб) Аёл кишига барибир ширин ёлгон керак булади. Барибир керак буладида.
Унда ширин ёлгонга илиниб, аччик хакикат билан оилани тарк этдингиз…
-Ачик хакикат билан. Хар кимнинг уз дунёкараши хар хил. Кучли аёл дейсизу, аёл качон кучли булади? Качонки болларини устириб оёкка тургазса. Уз вазифасини жой-жойига куйиб куйса. Боллари атрофдан дуо олса. Шундан кейин кучли аёл дейилади.
Узингизни онангизни кучли аёл деб атай оласизми?
-Атай оламан. Чунки мени шу ёшимгача чикарган.
Бувимни кулида катта булганман дедингиз-ку
-Онамнинг шарофати билан, онам мени туккан-ку, хаётга келтирган. Тугри катта килган бувим, лекин, хаётга келтирган онам. Имони бор, инсофи бор, Оллохни таниса, беш вакт намозини укитса. Беш вакт намозни тушундингиз-а? Калимаси булса. Оллохни таниса, ушагина булади. (укувчиларга балки тушунарли булар, лекин, Нилуфарнинг бу фикрига ва нима демокчи булганига тугриси тушуна олмадим) Мен диний нарсалар хакида жудаям яхши тушунаман, лекин чиройлик гапира олмайман, тушунтириб бера олмайман.
Мансаб, бойлик ёки самара? Кай бири мухим урин тутади хаётингизда?
-Самара, чунки хар бир килган ишимни купинчалик охирига етказмасдим. Етказа олмасдим. Инсон узига жудаям ишона бошлаганидан кейин узидан кетадиганрок булиб колар экан. Хаётимда бир шунаканги бир катта зарба булди-ки. Шундан сунг бойлик, мансаб деган нарсалар бир пул булиб колди. Самара булмаса хаммаси бир тийин.
Сухбатда онангиз хакида гапирмай утиб булмайди, лекин таккослашда эмас-ку, миллий йуналиш рухиятида катта булган киз хозир бошка йуналишда ижод киляпти.
-(Диванга жойлашиб кулай ярим ётган холда)Хуш…Битта гап айтайми? Хозир агар миллий йуналиш килсам килмасам мен Юлдуз Усмонова эмасман, мен унинг кизиман. Мен аста секинлик билан усиши керак. Балки кайсидир хонандалардан бир икки погона баландрокдирман, рейтинг дейдими, сифат буйича дейлик. Тарбия албатта куп, лекин, тажриба кам. Каллада куп маълумот, лекин тажрибада йук хали. Албатта миллий йуналишда айтиш ниятим бор.
Онангиз даражасида куйлай олармикансиз?
-Мен Юлдуз Усмонова эмас, мен Нилуфар Усмоноваман, онамдака куйлашга албатта хавас киламан, менда онамдака иктидор ва овоз йук, ундай иктидор булмайди менда. Узимга хос овозим ва иктидорим бор. Сиз хозир факат телеэкрандаги клипларим ва айлантирилаётган кушикларимдан хабарингиз бор холос, хозир албом тайёрлаяпмиз, Сиз билмайсиз у ерда кандай йуналишдаги кушиклар ва кандай тарзда куйланган кушикларим борлигини. Уят булса хам айтаман, хозиргача албомим йук эди. Биринчи албомим чикяпти, янги йуналиш деб айта олмайман-ку, лекин, турфа хиллик бор.
Миллий кушик хам булади?
-Булади. Миллий кушик айтмаса канака артист булади? (ажабланиб) Вахоланки миллий огир кушикларни куйлаш учун менда камида ун йил тажриба булиш керак деб хисоблайман.
«Таслим булдим», «Бир кунинг бахш эт» ва «Айбдор факат мен» кушикларингизгача булган ижод намуналарингиздаги овозингиз умуман бошкачарок. Бу кушикларда онангизнинг оханги сезилади, халкда хатто онаси бэк вокалда айтиб беради деган, ёки хозирги техника оркали онаси ва узининг овозини уйгунлаштириб бир овоз килиниб яратишяпти деган гап-сузлар булгандек.
-Хабарим бор, эшитгандек булгандим, майли шундай уйлайверишсин. Хакикий гийбатчилар булади-ку, ана шулар утириб олиб мана шундай гап таркатиши мумкин. Хакикий санъаткор тушунадиган одам, бизда энди кам колдику, уша камчилик хам купчилик, анна ушалар тушуниши мумкин. Лекин купчилик шундай дейди овоз ухшайди деб, киликларимни хам ухшатишади. Юз тузилишим билмадим ухшайдими йукми, энди хозир уколдан кейин кийшайиб ётибман (кулади).
Имидж устида ким ишлайди?
-Узим.
Нима учун бирдан Бритни Спирс ва Мерлин Монро образлари?
- А?!(хайратланиб) Канака Бритни Спирс?
Сизга хозир янгилик яратгандекман гуё, тугулган кунингиз булган рестораннинг куча тарафига катта килиб илинган суратдаги образ масалан.
-Кайси Бритни Спирс? Нималар деяпсиз? Мен унга таклид деган нарса умуман хаёлимда йук, балки ухшаб кетгандур. Тугрисини айтсам баъзи бир куринишимда ёки кулганимда купчилик мени унга ухшатишади. Менга у рости жудаям ёкади, лекин унга таклид килмаганман. Факатгина Мерлин Монрони тупа-тугри кучирганимизни тан оламан. Лекин бу менинг гоям эмас, бу Шахриёр билан филмга суратга олинган эпизод эди.
 6-апрель 2008 йил, "Версаль" ресторанига кираверишдаги биллборд. (чап тарафда Юлдуз Усмонованинг продюссери)
Клипмейкер Ёдгор Носиров билан булган сухбатда «Бир кунинг бахш эт» клипини суратга олиш жараёнидаги Сиздаги актерлик махоратингизга койил колганлиги хакида айтиб утганди, филмларда рол уйнаш ниятингиз борми?
-Хозир эмас, лекин ниятим бор, махоратларим хам бор дея оламан.
Нахотки бор махоратни намоён килишга интилиш булмаса? Мана махорати булса булмаса хонандалар рол талкин этишяпти-ку
-Мен интиламан, чикаверсин у хонандалар, лекин, курасизми уша филмларни…курдингизми…курмайсизда Сиз уша филмларни. Мен ижро киладиган филмни Сиздака журналистларни курдиртиришим керак (кулади)
Энг эзгу ниятларингиз, орзуларингиз хозирда нималардан иборат?
-(узок уйланиб) Орзулар….
Балки Сизга хозир армонлар хакида гаплашиш кулайрокдир?
-Йук, армонларим йук. Бор эди, йук килиб юбордим. Ортга карасам армон битлан эмас, хурсанд буламан. Нима булган такдирда хам бу тарих. Нима булган булса булди, (мазах мимика билан кушик куйлаб) : «армоним бор, хатоимсан, нахи гаплашмайман», (бирдан жиддий тус олиб): Йууук ундай эмас.
Собик турмуш уртогингиз билан алокалар борми? Болангизни тарбиясида, масалан.
-Йук, хеч кандай алокалар йук. Фарзанддан хабар хам олмайди. Бунга эхтиёж хам сезмайман. Узимни хаётим узимга жудаям ёкади. Биз санъаткорлар хаёти кеч бошланади билсангиз, туйлар, тадбирлар, концерт ва хоказо. Кундуз куни эса мен онаман. Фарзандим билан бандман, эрталаб унга нонушта тайёрлаб богчага олиб бориш, олиб келиш, уни тарбияси билан шугулланиш, булар хаммаси менга завк беряпти. Оддий турмуш тарзи. Бундай хаёт хали менда булмаган эди. Хаётда куп нарсалар узгариб туради, кеча компютер дейлик уйнашни яхши курган булсангиз бугун бошка нарса булиши мумкин, мана бу оддий бир маромидаги турмуш тарзи менда булмаганди. Мана шу хозир Худога шукур менда бор. Мен хаётимдан мамнунман. Балки Сиз зерикарли хаёт деб уйларсиз, лекин, бундай эмас, менга ёкяпти хозирги хаётим.
Огир дамда нималар киласиз? Дуст дугона?
-Огир дамда Худога шукур киламан ва яшашда давом этаман. Дугоналар умуман йук, биргина дустим бор. Хаётимда огир булган дамда рухшуносга хам бориб курганман, бефойда булган. Бундай холда вазиятдан чикиш учун харакат киламан. Онамнинг хаёти менга намуна булди, куп нарсани ургатди. Инсон барибир уз хаётини уз дардини узи куради ва узида утказади, лекин хозир менга осон. Келажагим порлок эканлигини биламан.
Порлок келажак учун харакат борми? Режалар деймизми?
-Бугунги куннинг узи келажак дейишади-ку(кулади). Харакатлар жуда катта.
Инсонда ирода бирламчи булиши керак деб хисоблайсизми?
-Купрок менимча сабр. Сабр утгунича одам узини «еб» куйиши мумкин, мен шу «емаслик»ни урганяпман. Ёмон инсоннинг узи йук, хамма яхши, мени масалан Сиз уйлашингиз мумкин газабкор деб. Хаёт агрессивный булиши мумкин инсон эмас. Ёки биз керагидан купрок нарсаларни хохлаяптган булишимиз мумкин. Хаёт менга жуда эрта дард деган нарсани курсатди, енгиб кетдим. Шу ёш бебош пайтимда берди, шу бебошлигимда бебошча утказиб юбордим. Энди эса аклим кириб, хаммасига миннатдорман. Турмушга чикганимда 17 ёш эдим, тугулган кунимда туйим булган. Ахмоккина кизча эдим, лекин ачинмайман. Нима булган булса хаммасига миннатдорман. Тарихим жудаям бир мазмунли булган. Гапирса гап куп, шунчаки гапиргим йук. Гап хохишда эмас, гап менга бу нарсалар хакида сузлаш вакти эмаслигида. Мен хали у даражага етганимча йук, ( ролга кириб ёши катта инсонни куринишида, узига жиддий тус бериб, овозларини жиддий тусга узгартириб): «Биласизларми, мени хаётимда шунака булган, сизларга хам тавсия киламан»-дейдиган холатга.
Инсон хаёти факат ёш билан эмас, сифати билан хам улчанади-ку, хаётдаги тажриба доим хам ёшга караб белгиланмас?
-Хозир хар нарсани гапириб бошимдан утган нарсалар хакида маслахат берсам, халк «Сан нима курдинг?» дейиши мумкин. «Сан Юлдуз Усмоновани кизисан-ку»-деб. Чунки булган бундай гаплар. Келишадида «Хаётинг зур-а?» дейишади. Бир тарафдан Юлдуз Усмонованинг кизи булганимга эмас, узи хаётимнинг узи булгани шу, хар бир куним саргузашт билан утади. Билмайман, лекин шундай кечади хаётим. Кизик жуда. Энг ёмони хаётинг бир маромида мазмунсиз утгани. Кейин менда аёллик бахти бор деб уйлайман. Фарзандим бор, узимни ич-ичимдан аёл деб хисоблайман, маъсулиятим бор фарзандим олдида, узимни хам яхши кураман. Хаётда мазза килиб яшаб олишни истайман. Хаётдан хамма нарсани олишни истайман. Иложи борича, сигганича борини олиб мазза килиб яшашни истайман. Ишкилиб рухим кутарганича яхши хаёт беришини Худодан сурайман. Хар куни тонгда ойнага караб «Кара канака чиройлисан, канака акллисан, кара боланг ана ётибди» деб шукр киламан. Ёшим 21 да, болам 4 ёшга кирди.
Мухаббатга муносабатингиз турмушдан кейин узгардими?
-Мухаббатга муносабатим яхши, зур.
Севимлимисиз?
-Севимлиман, севаман. (кулади) Севаман ва севимлиман.
Режалар кандай бу холатда?
-Хозирча жиддий режалар йук, хозирча мухаббат. Нима булишини хозирдан айтиб булмайди, билмайман.
Идеалингиздаги инсонми у?
-Агар хозир севган булсам, демак ха. Мазмун бор хаётимда, лекин эрмак эмас, мен хеч качон эрмак килиб карамайман бундай нарсаларга.
Таъкиклар хусусида.
-Тушунмайман бу нарсаларни. Мени хам айланиб утмади бу нарсалар, атайин менга нисбатан булмаган булсада узингиз тушунасиз менга боглик инсон булганидан кейин… Журналистман деб Сиз хам куп савол бера олмайсиз, артистман деб мен хам куп жавоб бера олмайман.
Онангиз машхурлиги Сизга хаётингизда халал берганми?
-Берган, хали хануз халал бериб туради.
Сиз билан булган барча интервьюларда албатта онангиз хакида тухталинади. Лекин, отангиз хакида деярли маълумот йук.
-Дадам Иброхимхон уйланганлар, икки укам ва бир синглим бор. Муносабатлар албатта бор, куришиб турамиз, дадам доирачилар.
Янги дадангизга муносабатингиз?
-Янги дадам? Мени янги дадам йук.
Онангиз турмушга чикгандилар Мансур исмли йигитга.
-У инсон менга отами? У онамни эри холос. Онам у инсон билан бахтли бу энг асосийси, колгани билан менинг ишим йук. Бошида кутариб юрса булгани онамни. Онамни хаётига хеч качон аралашмаганман. Хакким хам йук, шундай тарбия олганман. Онамга яхшими демак хаммаси яхши, агар Худо курсатмасин ёмон булса мен хамиша олдиларидаман тугрими? Ким булмасин онамга ёмонлик килса караб турмайман. Хозир онамни бошида олиб юрибдими, демак, мен учун у энг яхши одам.
Фарзандингиз хакида
-Ажойиб бола булган. Жудаям аклли. Углим купрок собик эрим тарафимдагиларга ухшаб кетмокда, уларнинг оиласи зиёлилар. Асли, собик эрим ёмон булмаган, билмадим тарбиями ёки атроф мухит… беш киздан сунг, ягона угил булган. Аввалига жудаям яхши инсон булган...Мен уни факат ёмонлай олмайман, унинг хам такдири бу, у хам хохламаган бундай булишини, асли яхши инсон бундок олиб каралса, шунчаки адашган инсон. Бизнинг оилада хакикатни айтганда укимишли, зиёли инсонлар булмаган, факат мени отам тарафидан домуллолар булган, Ахмад Яссавийлар авлодидан. Фарзандимнинг ота тарафидан эса, хаммаси зиёли ва укимишли инсонлар, мен эса богчадан умуман укишга иштиёким булмаган, мана Сиз хам журналистсиз, бу бир иктидор, конингизга каердандир кириб колгандир шу, ота-онангиз эса умуман бошка инсонлар булиши мумкин, шунингчун гохида хурсанд буламан фарзандим акли хозирдан уз натижасини курсатаяптганидан, шунчаки яхши тарбия берилса кифоя. Яхшими ёмонми уша отаси, ухшайдида.
Халк назаридаги инсонда маъсулият ётади намуна булиш, урнак булиш, буни хохланг хохламанг мухлислар намуна даражасига кутариб куяди, хавас, андаза, эргашади, ва карабсизки таклид килади. Санъаткор узининг салбий хислатларидан шунинг учун кечиши керак деган тушунчага кандай риоя киласиз?
-Тугри, халкнинг фикри билан хам хамнафас булиш керак. Таккослайман, лекин уз билганимдан колмайман. Тарозининг кай палласи босяптганига карайман, аклимни ишлатаман. Буржим куй булгани учун ужарлигим бор, гохи ахмоклик хам килиб куйишим мумкин.
 одноклассники сайтида узим утираман
Агар Сизга «Нилуфар, Сиз санъатни бошка йулингиз колмаганидан танлагансиз, хам кулай булган, хам бошка сохада ишлай олмасдигиз хам» десам тугри буладими?
-Кисман тугри булади, кисман йук. Ген тарафлама отам доирачи онам хонанда, лекин хохиш хам булган. Турмушга чикганимдан сунг собик эрим менга санъатни давомлашни таъкиклаган. Бошка сохаларда ишлаганман. Банкда ишлаганман. Лекин, биласизми, меники эмас-да…борку ибора «Бу меники эмас». Хар кандай ишда ишлаб кетавераман, лекин, кунгилдан чикмайди-да. Бир амаллаб эримни рози килганман. Мен «юлдуз» булиб колдим сифатида эмас, «Тарона»га келиб ишлай бошладим. Агар узингиз устингизда ишламасангиз булмайди. Хозир санъатда узимни яхши хис киляпман, «Бу меники»-дея оламан. Лекин бу билан мен Юлдуз Усмонова эмасман, тугри Сиз бундай уйламайслигингиз мумкин, лекин халк нотугри тушуниши мумкин-да, «Онасига ухшамокчи»-деб. Авваламбор илохим Худо ухшатсин, йулини берсин менга хам. Устоз сифатида, барибир устозим онам.
Устоз сифатида Сиз билан шугулланиб турадиларми?
-Болалигимда шугулланардилар, роса йиглардим, энди ёш бола каердан билсин ашула айтишни?(кулади). Хозир эса мен узим узимни устимда ишлаяпман. Кушикларим мусикасини онам ёзиб берадилар. «Бир кунинг бахш эт» кушигимни бир дустим билан яратганмиз, асосан куп гояларни шу дустим килиб беради. Юкорида айтдим ку бир дустим бор деб. Номини айтмайман, куз тегиши мумкин. Тарона хаммага кушик ёзиб беради деб уйлашади, тугри ёзиб бераверишади, бу шоу-бизнес, лекин гояни узингиз танласангиз бу бошкачарок, узингиздан чикгани узгача булади. Хозир ёш шоир Якзон билан ишлаяпман. Мен атайин кушик буюрмайман. Утириб сухбатлашаман, шу кунгилдаги кечинмаларимни чикариб беришади. Юкорида савол берганингиздек, атайин утмишим ва собик эримга атаб айтилмаган бу кушиклар. Бу хатолик хам эмас, бу армон хам эмас, бу хаёт! Бу такдир! Бу пешона!
Хотима урнида нималар хакида айтмокчисиз?
-Бир маслахат бор, билмадим ёш булсам хам шу нарсани айтсам балки тугри тушунишар. Инсон доим изланишда булади, интилишда булади, нима булган такдирда хам рахмат дея билишни урганиш керак. Ойнага караб ойна тарс ёриламан деган такдирда хам, шукроналик хисси булиши керак. Инсонлар хаётидан коникмаслиги мумкин, «Эрим ташлаб кетди, камбагалман, етимман, хаётим ёмон» деб узини улдириб юборишлик шарт эмас-ку, мумкин хам эмас, аросатда колиб кетади. Яхши мазмунли хаёт утиши керак. Инсон шукроналик билан яшаши керак.
Нилуфар хаётда узи кандай экан? -деган саволга, шунчаки менда эсда коларли унинг юз мимикалари билан куп ишлаши, куллари билан жестикуляр харакатлари ва буйнини кимирлатиши америкалик ёшларнинг сухбатлашиш тарзини эслатиши хакида айтишим мумкин.
Шу тобда агар Нилуфар инглиз тилида гапираётган булганида хеч ким уни узбек кизи деб уйламаслиги аник эди.
Шахсан менда узбек тилида сухбатлашганидан ташкари хеч кайси бир жихати унинг узбек кизи эканлигини эслатмади.
О, Оврупо! Балки мода?
Sayyod-Sardor Kamilov
| 
